«Бүтүн Кыргызстан» партиясы шайлоодон четтетилди
“Бүтүн Кыргызстан” партиясында кайрадан талапкерлердин тизмесин түзүүдө көйгөйлөр жаралууда. Сүлүктү шаарынын АШКсы (Аймактык шайлоо комиссиясы) партияны каттоодон баш тартуу жөнүндө чечим кабыл алды.
АШКнын маалыматы боюнча, партия буга чейин тизмеде талапкерлерди көрсөтүүнүн тартибин бузган. Партия мыйзамды сактабай, тизмеде сегиз эркек талапкерди катары менен койгон, ошол эле учурда гендердик квота сакталышы керек. АШК тараптарга болгон ушул айырмачылыкты белгилеп, аны оңдоону суранган. Талапты аткаргандан кийин талапкерлердин саны кыскарып, тизмеде 38 талапкер калган. Бул дагы мыйзамга туура келбестигин АШК билдирген.
Партия өкүлдөрү АШКнын чечими менен макул эмес. Алардын билдиришинче, тапшыруу учурунда 47 талапкер болгон, аларды оңдогондон кийин 38 талапкер калган, бирок ошол эле учурда Сүлүктү шаардык кеңешинде 31 мандат бар, ошондуктан мыйзам бузулган жок деп партиядан билдиришип БШКдан АШКнын чечимин жокко чыгарууну суранышкан. Бирок департаменттин башчысы Нуржан Шаилдабекова мыйзам боюнча тизмеге байланыштуу бардык нерселер так сакталышы керек деп түшүндүрдү. Эгерде саясий бирикме талапкерлерди көрсөтүү жол-жобосун бузса, талапкерлердин санында дал келбестиктер болсо же гендердик квоталар принциби сакталбаса, АШК мындай тизмени каттай албайт.
Ошондой эле БШК Сүлүктү АШКнын чечими эске алынгандыгын белгиледи. «Бүтүн Кыргызстан» партиясы, эгер жарышка катышууну улантууну кааласа, сотко кайрылса болот.
Жергиликтүү кеңештерге шайлоо 11-апрелде 28 шаарда жана 420 аймакта өтөт.