Баткенде дайынсыз жоголон Мактым Кожонова табылды
Баткен шаарынын Кызыл-Жол кварталынын дайынсыз жоголгон тургуну Мактым Кожонова табылды. Тилекке каршы ал каза боуп калган Милиция кызматкерлери анын сөөгүн үйүнөн өтө алыс эмес жерден табышкан.
Алдын ала маалыматтар боюнча, укук коргоо кызматкерлери үйүнөн 200 метр алыстыкта калың токойлордон аялдын сөөгүн табышкан. Ага чейин иттер аялдын бут кийимин таап, бакка алып келишкен, андан кийин издөө иштери башталган.
Аялдын денеси текшерүү үчүн Баткен облустук ооруканасынын өлүк сактоочу жайына жеткирилген.
Кожонова 2020-жылы 23-ноябрда кечинде жоголгон — ал үйдөн чыгып кеткен бойдон кайтып келген эмес. Үй-бүлө Кызыл-Жол кварталында жашайт. Ал жолдошу менен бирге бир уулду жана беш кызды тарбиялап келген. Кичүү кызы 6 жашта.
Turmush басылмасынын кабарчысы тинтүү болгон жерге жана Кожонованын үйүнө барды. Анын кайнатасы Төлөн Рахманов кечинде келини үйдөн чыгып, белгисиз тарапка кетип калганын айткан. Кызы апасынын артынан жөнөгөн, бирок ал жооп берген эмес.
Туугандары жубайлардын ортосунда уруш чыккан, андан кийин аял үйүнөн чыгып кеткен деген версияны четке кагууда. Рахмановдун айтымында, келини акыркы 2 күндүн ичинде (ал дайынсыз жоголгонго чейин) өзүн жаман сезип, бир нерседен кабатыр болгонун айткан.