«Диплом алып кайра келем». Нарматова жаңы шайланган Айгүл Айдарова тууралуу оюн билдирди
Толугу менен Орозайым Нарматова
- Жетинчи чакырылыштын эң жаш депутаты Орозайым Нарматова болобу?
- Орозайым Нарматовага эмне айып коюлганы белгилүү болду
- Жанар Акаев: "Нарматованын кармалышы чектен чыккан иш болду"
- "Бүтүн Кыргызстандын" мүчөсү Орозайым Нарматова Ош аэропортунан кармалды
- Орозайым Нарматова: "Садыр Жапаров казино ачып" каралардан" карызын кутулабы?"
Жасалма дипломдун айынан Жогору Кеңештен чыгарылган Орозайым Нарматова анын ордуна келген Айгүл Айдарова тууралуу өз оюн билдирди.
«Урматтуу достор! Бүгүн менин партиялашым, пикирлеш эжекебиз Айгүл Айдарова кезектеги депутат болуп катталды. Менин сотко берип, доолашпайт экенимдин бирден бир себеби да ушул эле, анткени менден күчтүү, менден билимдүү, мамлекеттик кызматта иштеген, дасыккан адис.
Мен келээрки беш жылда Айгүл эжемдин жашына жеткенче дагы бир дипломдуу болуп, араңыздарга кайтып келем. Ал эми менин «соттошпойм»-деген чечимимден улам, фракциянын аксакалдары кеңешип, Исхак Абсаматович баш болуп «баары бир мыйзамдуулук жогору турушу керек»-деп бүгүн тийиштүү комитетке кайрылуу жасашты.
Мындан кийинки териштирүү иштери мыйзамдын алкагында жүрө берет. Мага «эми эмне менен алек болосуң»-деген суроолорду берип жатасыздар.
Мен ден соолугумду чыңдап, «саякатка чыгып, дүйнө кыдырып, дем алайын»-деп жатам. Жакындарымды жоготкондон бери моралдык жактан кыйналып кеттим, мага дем керек болууда, бирок ар дайым эфирде болом буйруса. Айгүл эжекеме ийгилик каалаймын! Буйруса биздин партия мыйзамдын диктатурасы кандай болоорун трибунада көрсөтөт.» — деп жазган Нарматова.