Камчыбек Ташиев УКМКнын башчысы болду
«Мекенчил» партиясынын лидери Садыр Жапаровдун досу Камчыбек Ташиев УКМКнын башчысы болуп дайындалды. Жарлыкка президенттин милдетин аткаруучу Садыр Жапаров кол койду. Камчыбек Ташиев мурдагы өзгөчө кырдаалдар министри, Жогорку Кеңештин мурдагы депутаты, «Ата-Журт», «Республика-Ата-Журт», «Мекенчил» саясий партияларынын лидери катары белгилүү. УКМКнын буга чейинки башчысы 5-октябрдагы башаламандыкта качып кеткен боюнча дайынсыз болууда.