«Колуңду сындырып, камайм!». Ташиев Мадумаровду коркутту. Видео
“Жогорку Кеңештин депутаты Адахан Мадумаров айрым аткезчилерди жаап-жашырып жатат” ,- деди УКМКнын төрагасы Камчыбек Ташиев парламенттин жыйынында. Ал депутаттарды жалган маалымат таратпоого чакырды.
«Мадумаров бир жолу айтты — мен унчукпадым, экинчи жолу айтты унчукпадым. Кечээ УКМКнын кызматкерлери элдин канын соруп жатат деп айтты. Ал бул билдирүүсүн фактысыз жана далилсиз айтты. Эгерде депутат Мадумаров бул аракеттерин токтотпосо, анда биз да ал тууралуу, аткезчилерди кантип жаап, калкалап жатканы тууралуу айтууга даярбыз», — деди Камчыбек Ташиев.
Адахан Мадумаров УКМКнын башчысын фактылар менен сүйлөөгө чакырды.
«Колуңду түшүр. Отур, мен сага баарын айтып берем. Урматсыз депутат, мен сага кайдан, кайсы контрабандист палоону даярдап бергенин айтып берем», — деди Камчыбек Ташиев.
«Эми эмне кылуу керек? Эмне үчүн анын микрофону дайыма күйүп турат? деп сурады Адахан Мадумаров. Камчыбек Ташиев «колуңду сындырам» деп коркутту.
— Мен сага көрсөтөм! деп жооп берди депутат. УКМКнын башчысы Адахан Мадумаров мамлекеттик төңкөрүш даярдап жатканын билдирди.
«Бизде анын жакындары менен массалык баш аламандыктарды жана төңкөрүш жасоону даярдап жаткандыгы тууралуу ыкчам маалымат бар. Мен сени төңкөрүш үчүн камайм» — деди Ташиев.» Колуңдан келгенди гана айт”, — деп жооп берди Адахан Мадумаров.