Кыргызстанда даарат кагазынын жетишсиздги күтүлүүдө

Кыргызстанда кагаз жана картон өндүрүү жана кайра иштетүү боюнча ата мекендик ишканаларда сырье жетишсиз. Министрлер кабинети макулатураны жана калдыктарды экспорттоону алты айга тыюу салууну сунуштоодо.

Сырьенун жетишсиздиги ата мекендик ишканалардын жабылып калышына алып келиши мүмкүн, аларда миңдеген жарандар иштеп, бюджетке салыктар жана салыктык эмес төлөмдөр чегерилүүдө. Экинчи сырьену өндүрүү жана кайра иштетүү боюнча жергиликтүү ишканалар жабылып же толук иштебей калган учурда кызматкерлер жумушсуз калышат, ал эми бюджетке — бул тармактан кирешенин бир топ аз көлөмү түшүп калат.

Белгилей кетсек, Кыргызстандан макулатураны экспорттоого тыюу салуу 2021-жылдан бери киргизилген, бирок ал экинчи сырьенун жетишсиздиги көйгөйүн жарым-жартылай чечкен. Анткени импорттун көлөмү жыл сайын азайып баратат – 2022-жылдын тогуз айында 2428,8 тоннаны түзгөн.

Кыргызстанда кагаз буюмдарын өндүрүү боюнча бир нече ири ишканалар бар: «Бишкек Картон» ЖЧКсы, «Алихан Компани» ЖЧКсы, «Алтын-Ажыдаар» ЖЧКсы, «Кагаз Компани» ЖЧКсы, «Эфес ЛТД» ЖЧКсы, «ИФА» ЖЧКсы, «Кош Тамчы» ЖЧКсы.

«Алтын-Ажыдаар» жана «Кош Тамчы» ишканаларынын маалыматы боюнча, өндүрүш ишканалары регенерацияланган чийки заттын тартыштыгын сезип, өндүрүштүк жайлар 30-40%га пайдаланылган.