Мариповдун ордуна Акылбек Жапаров келет, Ташиев орун басары. Өзгөрүүлөр
“Министрлер кабинети жөнүндө” конституциялык мыйзам долбоорун Жогорку Кеңеш өткөн жумада үчүнчү окууда кабыл алган. Аталган мыйзамга 11-октябрда президент кол койду. Жаңы мыйзамга ылайык, Министрлер кабинетинин төрагасы менен президенттин администрация башчысы бир адам болот.
Конституциялык мыйзамдуулук комитети бүгүн министрлер кабинетинин жаңы курамын жана структурасын бекитет. Бул тууралуу Жогорку Кеңештен билдиришти. Бирок материалдар азырынча комитеттин мүчөлөрүнө таратыла элек.
Маалымдалгандай, Акылбек Жапаров министрлер кабинетинин жаңы төрагасы болот, ал эми Камчыбек Ташиев УКМКнын төрагалыгын сактап калуу менен анын биринчи орун басары болуп калат.
Кабинеттин башчысынын башка орун басарларынын кызматына Мамлекеттик финансылык көзөмөл органынын учурдагы төрагасы Арзыбек Кожошев менен Улукбек Мариповдун биринчи орун басары Азис Аалиев көрсөтүлүүдө.
Өкмөттүн структурасы кайрадан кайра иштелип жатат. Экономика жана Каржы министрлиги кайрадан эки башка бөлүмгө бөлүнөт — Каржы министрлиги менен Экономика министрлиги. Биринчисине Алмаз Бакетаев, экинчисине Данияр Амангелдиев жетекчилик кылат.
Президенттик аппараттын учурдагы башчысы Сүйүнбек Касмамбетов мамлекеттик катчы кызматына Чолпонбек Абыкеевдин ордуна келет.
Улукбек Мариповго кайсы кызмат сунушталаары азырынча белгисиз.