Ошто блогер эки кызга үйлөндү. Окуянын чоо-жайын айтып чыккан кыз эксперимент экенин айтты
Социалдык тармактарда эки кызга үйлөнүп жаткан жаш жигиттин видеосу тарап, колдонуучулар арасында кызуу талкууга түштү.
Видеодо жаш жигиттин үйлөнүү көйнөкчөн эки кызга үйлөнүп, нике шакектерин тагып жатканын көрүүгө болот. Видео Ош шаарындагы үйлөнүү үлпөт сарайынын жанында тартылган.
Социалдык тармактын колдонуучулары блоггерди эки кызга үйлөндү деп сындашты. Кээ бирлери колдоп, жаштарга бакыт каалашты. Бирок бүгүн видеонун каармандарынын бири Instagram баракчасына окуяны жарыялап, анда ал эч качан турмушка чыкпаганын, жөн гана пранк экенин айтып, ал эми ТикТоктогу видео анын сөзү менен айтканда, “эксперимент” экенин түшүндүргөн.
Белгилей кетсек, Кыргызстанда көп аял алууга мыйзам тарабынан тыюу салынган. Кылмыш-жаза кодексинин 179-беренесине ылайык, эки аял алуу же көп аял алуу коомдук жумуштарга же түзөтүү жумуштарына тартылат. Мындай кылмыш үчүн эң жогорку жаза 100 миң сомдон 140 миң сомго чейин айыппул.
Видео: