Садыр Жапаровдун эжеси Райкүл Жапарова толугу менен акталды
Жогорку Сот президент Садыр Жапаровдун эжеси Райкүл Жапаровага козголгон кылмыш иши боюнча чечимди жокко чыгарды. Бул тууралуу Башкы прокурор Курманкул Зулушев маалымат жыйынында билдирди.
Анын айтымында, Жогорку Сот анын баш коргоо чарасын өзгөрттү.
«2021-жылдын 25-январында Жогорку Сот Райкүл Жапаровага айып тагылган мурдагы чечимди жокко чыгарды. Ошондой эле, алдын алуу чарасы өзгөртүлдү. Буга чейин ал издөөгө алынган. Менин жанымда соттун чечими жок. Эгерде чечимдер жокко чыгарылса, анда Райкүл Жапарованы өткөрүп берүүнүн кажети жок дегенди билдирет деп ойлойм», — деди Башкы прокурор.
Эскерте кетсек, Садыр Жапарованын эжеси жана Ысык-Көл инвестициялык банкынын башчысы Райкүл Жапарова мыйзамсыз кирешелерди адалдоо боюнча айыпталып, 10 жылга эркинен ажыратылган. Жабырлануучулар соттун алдында ал өлкөдөн чыгып кеткенин билдиришкен. Кийинчерээк Райкүл Жапарова Польшадан саясий башпаанек сурагандыгы белгилүү болгон.