«Шрек» деп атаганы үчүн сабаган кыздарга Сот өкүмү чыкты

Ушул айдын башында «шрек» деп атаганы үчүн кызды сабаган видео интернетке тараган. Ал боюнча кылмыш иши козголуп сот өкүм чыгарды. Жалал-Абад шаардык соту эки кызды бейбаштык үчүн 5 жылга эркинен ажыратты.

26 жаштагы З.М. 8-сентябрдан бери Жалал-Абад шаарындагы №53 аялдар колониясында камакта. Ош облусунда туулган, орто билимдүү, ажырашып кеткен, бир баланы энеси.

Экинчиси 23 жаштагы А. кызы Н. 18-сентябрдан бери үй камагында. Ош облусунда туулган, орто билимдүү.

Тергөө органдарынын маалыматы боюнча, 18-август күнү саат 14:00 чамасында алкоголдук ичимдиктерди ичкенден кийин бул ишке катышкан эки адам Жалал-Абад шаарынын Спутник кичи районундагы жашаган курбусуна келишкен. Алардын ортосунда уруш чыгып, жабырлануучуну кыздар жерге жаткырып алып ур-токмокко алышкан. Кыздар өздөрү менен кошо ашкана бычагын алып келишкен, аны кыздын кекиртегине такап өлтүрөм деп коркутушкан. Кыздардын бири ал нерсени тасмага тартып алган.

Кыздардын сабаган видеосу: