Сурамжылоо: Чек арада жашагандарга курал таратып бериш керекпи?
Жогорку Кеңештин бир нече депутаты чек ара аймактарында жашаган жарандарды атайын даярдыктан өткөрүү менен курал колдонууга уруксат берген мыйзам долбоорун коомдук талкууга алып чыгышты.
Президент Садыр Жапаров 5-майда жаңы Конституцияга кол коюп, өлкө элине кайрылуу учурунда “өлкө бүтүндүгүнө коркунуч туудурган окуяга күбө болдук” деп, кыргыз армиясында реформа башталарын жарыялаган.
Жапаров реформанын бир багыты катары чек ара аймактарында элдик кошуундарды түзүүнү атаган.
Чек арада жашаган жарандарга курал таратып берүү керекпи?
Быйыл 28-29-30-апрелдеги жана 1-майдагы кыргыз-тажик чек арасындагы куралдуу жаңжалда 36 кыргызстандык, 19 тажикстандык каза болгон.