Суусамырда кар кишинин издери табылды

Суусамырдан мергенчилер белгисиз жандыктын чоң изидерин таап, сүрөткө тартышты. Бул тууралуу Turmush басылмасынын кабарчысы билдирди. 32 жаштагы күбө Владимир Хорошев мындай дейт:

«Өткөн дем алыш күндөрү Суусамыр өрөөнүнө карышкыр уулоого бардык. Суусамырда кар калың жаагандыктан, издерден жырткычтарды табууга болот. Мергенчилер же, кыязы, браконьерлер жасаган жолдон алыс эмес жерде дүрбү аркылуу биз белгисиз жандыктын изин көрдүк.

Биз жакындап барып, жандыктын бутунун көлөмү элүүнчүгө жакын экенин, издердин аралыгы эки метрден кем эмес экенин билдик. Сыягы, издин ээси бизди күүгүм киргенде биринчи көрүп, тик ылдый тарапка тез түшүп кеткен окшойт. Биз аны кууган жокпуз, токтоп калдык, сүрөткө тарттык. Бизди өздөрү жасап койду деп ойлобосун үчүн издерге жакын барган жокпуз.

Кызыгы, жакынкы адам жашаган кашар 25 километр аралыкта болгон. Андан ары, карышкырларды издеп кеттик, биз таң калып, бул издерди калтырган жандыкты көргүбүз келди. Аңчылык учурунда карышкырларды жолуктурган жокпуз, бир-эки түлкүнү ​​көрдүк, бирок алыстан гана, 600-700 метр алыстыкта.

Аңчы белгисиз издерди биринчи жолу көргөн жок.

«2021-жылдын күз айларында Чүй облусунун Ак-Суу капчыгайында аңчылык учурунда бийик тоо арасында жайгашкан кашарга түнөгөнбүз. Биз баш калкалаган кашардын ээси кээде тамак-аштары жоголуп кетерин айтты. Аларды кимдир бирөө уурдап жатат. Тамак-ашты баштыкка салып, баштыктарды үйдүн сыртына илип коюшат экен. Ал түнү менен жоголуп кетет. Бир жандык келип алып кетет экен. Ал келгенде иттердин бири дагы үн чыгарбай калат экен. Аны «тоонун ээси» деп аташат — деп эскерет В. Хорошев.

Турмуш.кг