Тажиктерден качып баратып сууга түшүп кеткен 5 жаштагы бала каза болуп калды
Лейлек районунун Арка айылында беш жашар Абидин Турсунбаев каза болду. Маалымат жергиликтүү ооруканада тастыкталды. Алардын айтымында, Абидин Турсунбаевди тез жардам кызматы кеч алып келген.
«29-апрелде бардыгы качып кетип, каналдан өтүп жатканда Абидин сууга кулап кеткен. Анын энесинин эки кичинекей баласы болгон. Канал абдан чоң, аны дароо таба алышкан жок. Кийинчерээк ал Тажикстандын чек арасына жакын жерден табылган. Бөбөктү тез жардам кызматы алып келген. Бирок кеч болуп калган», — деп билдиришти ооруканадан.
Белгилей кетсек, Лейлекте сууга чөгүп кеткен бала тууралуу маалымат 30-апрелде пайда болгон. Бирок расмий органдардын бири дагы фактыны тастыкташкан эмес.
3-майга карата 183 адам ар түрдүү жаракат алса, каза болгондор 36 адамга жетти.
Учурда аймакта келтирилген чыгымдарды аныктоо боюнча комиссия ишин улантууда. Алдын ала алынган маалыматтарга ылайык, облуста жалпы 104 турак үй, 2 мектеп, 1 ФАП, 1 бала бакча, 1 ИИМдин имараты, 3 чек ара заставасы, 10 май куюучу жай, 8 дүкөн күйгөн.
Чек арадагы жаңжал 28-апрелде Головной суу бөлүштүрүүчү пунктунун аймагында болгон. Андан кийин ал аскер бөлүктөрүн жана оор техникаларды колдонууга чейин кеңейген. Иш таштоолор Баткен районундагы бир катар чек ара айылдарына берилди. Акыры тараптар элдешүү жана аскерлерди чыгарып кетүү боюнча 1-майдын кечинде гана бир пикирге келишти.