Текебаев шайлоону тааный турганын айтып, Садыр Жапаровду президент деп атады
Бул кезексиз жана күтүүсүз шайлоо болду. Бул тууралуу саясатчы Өмүрбек Текебаев «Саясий коктейль» берүүсүнө берген интервьюсунда билдирген. Ал шайлоо Кыргызстанда эле эмес, бардык өлкөлөрдө идеалдуу эмес өтөрүн айтты.
«Элдин көпчүлүгү Садыр Жапаровду колдоду. Муну биз таанышыбыз керек. Бүткүл дүйнө таанып жатат. Бир эреже бар, элдин айтканы дайыма туура. Саясий бийликтин табияты — элдин ишеними. Эл кандай адамдын артынан ээрчий турганын өзү чечет. Ал эми башкаруунун жыйынтыгы кандай болорун эл чечет», — дейт Текебаев.