Уйкусуздук эмнеден келип чыгат?

Уйкусуздук жагымсыз көрүнүш. Таң атканча кирпик какпай, бир капталынан бир капталына оодарылып жатуу менен таңында башы катуу ооруп калган адамдын ден соолу­гуна орчундуу залал тийет.

Психологдор адам уйкусуздук менен күрөшпөй, эң оболу өзүн тынчтандыруусу зарыл деп эсептешет. Бул үчүн жөнөкөй эре­желер бар, аны көңүлгө ала жүрүү керек.

Жек көрүү, көрөалбастык, каардуулук сыяктуу сезимдерди ичке жыйнабаңыз!

Йогада айтылгандай адам бирөөнү жек көргөндө, көрө албай ачуусу келгенде, каар­данып башкаларды урушуп-тилдей башта­ганда “викар” – уу денеге жайылып, орган­дарды, клеткаларды жабыркатат.

Адамдардын кемчилигин издебеңиз. Те­скерисинче менде мындай кемчилик жокпу, кемчилик болсо оңдоюн деп ойлоңуз.

Тынчы жок адамдар уйкусуз болушат. Күндүз болуп өткөн окуялар сезимтал адам­дардын мээсинде кечкисин кайталанат. Аң сезими жабыркаган адамдар майда-чүйдөгө чейин аябай маани беришет. Андыктан уйку цикли бузулат. Жаздыгым жумшак, уйкум тынч болсун десеңиз:

— Башка бирөөнүн чөнтөгүндөгү ак­чаны санабаңыз!

— Күн бою жылмайып, жайдары жүрүңүз. Күлкү ден соолуктун мүлкү.

— Кечки ишти таңкыга калтырыңыз.

— Уктаар алдында жакшы ойлорду ойлонуңуз.

— Кечки тамакты эрте ичип, саат түнкү 12ге чейин жатууга кам уруңуз.

— Көмкөрөсүнөн жатуу дем алуу ор­гандарын жабыркатат.

— Кырдачынынан жатуу тамактын сиңүүсүнө жакшы, он эки эли ичегинин иш­тешине жакшы шарт түзөт.

— Күн ысыкта оң капталдап, күн суук­та сол капталдап жатуу керек.

— Үп болгон ысыкта оң кулакка пахта тыгып, сол жамбаштап жатса уйку тынчыйт. Күн суукта тескеринсинче.

— Диета кармагандар жатаар алдында катуу ачка болсо бир аш кашык балды ши­мип жегени оң. Эгер ачкалык сезими кетпей, ашказан курулдаса 1 стакан майсыз сүт, же­миш ширесин же кайнак суу ичүү керек.

— Жаздык өтө жумшак же катуу бол­бошу керек.

Бир уламыш бар. Абхазиядагы 100 жашка чыккан, чыйрак абышкадан сурашып­тыр, “Кантип 100гө чыктыңыз?” деп. Анда карыя айтыптыр, “Мен эч кимге көз арткан жокмун жана мени көрө албагандардан оолак жашадым”.