Видео. Сахалинде кыргыз жараны өзү жалгыз Навальныйды колдоп митингге чыкты
Бүгүн, 31-январда Орусиянын Сахалин шаарында оппозициячыл Алексей Навальныйды колдоп бир адам митингге чыкты. Бул тууралуу Орусиянын басылмалары жазышууда.
«Бир адам болсо дагы митингге чыкты. Таң калыштуусу ал башка өлкөнүн, тагыраагы Орто Азия өлкөлөрүнүн биринин жараны. Ал Жеңиш аянтында өкмөткө каршы ураандарды кыйкырды», — деп айтылат маалыматта.
31-январга Орусиянын оппозициячыл саясатчысы Алексей Навальныйды колдоо үчүн өлкө боюнча нааразычылык акциялар уюштурулган.