Жол кире өзгөргөн жок. Эртеңден баштап маршруткалар каттамга чыгат
Бишкекте беш күндүк иш таштоодон кийин маршруттук таксилердин айдоочулары ишин улантууну чечишти. Бул тууралуу жүк ташуучу компаниялардын бири билдирди.
Эртең шаарды маршруттук таксилер каттайт. Белгилүү болгондой, айдоочулар нааразычылык акцияны токтотуп, жол кирени көтөрүү маселеси чечилээрин күтүштү.
Эскерте кетсек, мэрия бул маселени сентябрь айында Бишкек шаардык кеңешинин депутаттары чечет деп убада кылган. Буга чейин муниципалитет тарифтерди көтөрүүнүн үч вариантын сунуш кылган, автобус жана троллейбустарда 11 сом, жеке транспорттук компаниялардын бардык класстарындагы автобустарда (маршруттук таксилерде) — 15 сом.
1-июнда Экономика министрлиги долбоордун жөнгө салуучу таасирин талдоо боюнча оң жооп алды. Мэрия токтом долбоорун Бишкек шаардык кеңешке тапшырды. Маршруттук таксилердеги жол кире азырынча 10 сом боюнча калды. Маршруттук таксилер 2-июндан бери иш ташташкан.