«Мектепте апамды кордоп жатышат». 9 жаштагы кыз Ташиевден жардам сурады

Кемин районунда тогуз жаштагы кыз УКМКнын башчысы Камчыбек Ташиевге кайрылды. Көзүнө жаш алган кыз энесин өзү иштеген мектептин жетекчилиги кордоп, натыйжада аял жакында эсин жоготуп жыгылганын айтты.

«Менин апам үч жылдан бери Жалил Садыков мектебинде мугалим болуп иштейт. Пандемия учурунда бизге оор болду. Үйдө ун калбады, андан кийин апам мектеп жетекчилигинен тамак-ашка берилген акчаны сурады. Бирок, жетекчилик аны шылдыңдай баштады, натыйжада 18-декабрда апам короодо эсин жоготуп койду. 11 жаштагы иним экөөбүз аны эптеп үйгө сүйрөп барып, тез жардам чакырдык. Ал өзүнө келгенден кийин мектеп жетекчилиги аны кордоп келгенин айтты », — деди кыз.

Видео: