Таласта 27 жаштагы келин күйөөсүн балталап өлтүргөн
Талас облусунда күйөөсүнүн өлүмүнө шектелип, 27 жаштагы келин кармалды. Бул тууралуу облустук милициядан билдиришти.
Маалыматка ылайык, 2021-жылы 30-январында саат 06:30 чамасында Новодонецк айылынын 1994-жылы туулган «Н» аттуу жарандын сөөгү зордук-зомбулук көрсөтүлгөн белгилери (бетиндеги жана башка жерлериндеги ачык жаракаттар) бар денеси табылган.
Бул факт атайын журналга катталган. Манас РИИБнин ыкчам-тергөө тобу аталган жерге жөнөп барышкан. Текшерүү учурунда үйдүн кире беришинде 1994-жылы туулган Х.Н.нын жансыз денеси чалкасынан жаткан абалда табылган. Денеде бир нече бычак жана кесилген чоң жарааттар болгон.
Бул факт боюнча материалдар катталып, Кыргыз Республикасынын Кылмыш-жаза кодексинин 130-беренесинин 1-пункту менен кылмыш иши козголгон. Кылмыштын бетин ачуу үчүн Талас облусунун Ички иштер башкармалыгынын жана Манас районунун Ички иштер башкармалыгынын кызматкерлеринен атайын топ түзүлүп, шектүү ошол эле күнү кармалган. Бул киши колдуу болгон адамдын аялы болуп чыкты. Кийин белгилүү болгондой, алар ошол күнү мушташкан. 1994-жылы туулган аял Кара-Буурин РИИБнин убактылуу кармоочу жайына киргизилди.
Бул иш боюнча экспертизалар дайындалып, маркумду балта жана бычак менен чапканы айтылды.