Марипов Баткен элин ачууланткан сөзүнө түшүндүрмө берди
Толугу менен Улукбек Марипов
- "Балдар атала жеп калды". 6 айдан бери этти көрө элек келин Мариповко катуу айтты
- Улукбек Мариповдун "банан жебей сабиз жегиле" дегени талкууга алынды
- Садыр Жапаров Улукбек Марипов менен жолугуп тапшырма берди
- Жээнбеков "чык эшикке" деп кууп чыккан чиновник Мариповпу?
- Көпчүлүккө жаккан жок. Улукбек Мариповго нааразы болгондор көбөйүүдө
Премьер-министр Улукбек Марипов кыргыз-тажик чек арасындагы Ак-Суу дарыясында жайгашкан башкы («Головной») суу бөлүштүрүүчү жай Тажикстанга эч качан берилбей турганын билдирди. Бул тууралуу 4-майда Баткен облусунда куралдуу жаңжалда жабыркаган эл менен жолугушканда айтты:
«Бул суу бөлүштүрүүчү жайдын үстүндө «Кайырма» деген канал бар. «Кайырманын» башы үч куб. Бирок 1992-жылкы Алматадагы келишим бузулуп, бизди укпай, 2016-жылы ошол үч кубду 23 кубга чейин чоңойткон. Мен ошол тууралуу айтканмын. Мен аны Баткенге күйүп айттым. Головнойго менчелик күйгөн адам болсо, келсин, жооп берем. «Головной» эч качан аларга берилбейт», -деди Марипов.
Видео:
Мариповдун «Головной» тууралуу буга чейинки кеби кыргыз-тажик чегиндеги кагылышка шыкак берген болушу мүмкүндүгү коомчулукта айтылып келатат.“Головной” тилкесинде тажик тарап 28-апрелде электр мамыларына видео камераларды орното баштаган. Кыргызстандын чек ара кызматкерлери бул жерге барып, ишти токтотууну талап кылган.